الربح من اليوتيوب وبلوجر(التدوين)/ وكم ارباح مليون مشاهدة علي يوتيوب

 الربح من اليوتيوب وبلوجر(التدوين)/ وكم ارباح مليون مشاهدة :

كلنا ملاحظين في الفترة الاخيرة  كثرة ظهور اليوتيوبرز وبقوة في العالم كلة خصوصا في السنوات الاخيرة , ودا طبعا وراه سبب وهو 

انهم شافوا غيرهم من اللي بيعملوا فيديوهات علي اليوتيوب قد ايه حياتهم اتغيرت للاحسن وبدا يشتروا عربيات وشقق وفيلات كمان , في

 المقالة دي بقي هنتكلم مع بعض عن اليوتيوب وكل حاجه تخصة من البداية للنهاية وكمان هنتكلم عن مصدر اخر مهم جدا واهم كمان من 

اليوتيوب وهو بلوجر او مجال التدوين المجال دا مهم جدا وسهل جدا اسهل من اليوتيوب بمراحل لكن كل حاجة وليها مميزات وعيوب

   ودا اللي هنعرفة في المقال.

اليوتيوب youtube:

بص يا رايق اليوتيوب منصة زيه زي اي منصة تانية مثلا زي الفيس بوك وتويتر او انستجرام , انما في اسباب كتيرة جدا هي السبب 

ان الناس تحب اليوتيوب وتتجه ليه, واهم حاجه في الحاجات دي انه منصه ربحية يعني تقدر تكسب منها فلوس وفلوس حلوة كمان زي 

ما هنوضح , تقدر تكسب فلوس من اي معلومة تحطها في فيديو سواء بتتكلم عن اخبار بانواعها كورة مثلا حياتك اليومية او برامج,

هقولك يا سيدي لو لاحظت دلوقتي هتلاقي معظم القنوات بل كلها بقت تنزلهم فيديوهاتها علي قنوات اليوتيوب الخاصة بيهم يعني مش

 بس بقوا بيكسبوا من الاعلانات اللي بتدفع علي التليفزيون وكمان بقي في فلوس من اليوتيوب, لان اليوتيوب سهل جدا انك تعمل علية 

وتبدا تنزل فيديوهات وتبدا تكسب بقي يا معلم محدش قدك يا سيدي .

شروط اليوتيوب:

اليوتيوب شركة محترمة جدا ومش عاوز تعقدك في حياتك ولا حاجة وبتطلب شرطين الاول انك يبقي عندك 1000 مشترك شفت

 ياسيدي سهلة ازاي انت اللي مكبر الموضوع بس , والشرط التاني ان عدد ساعات المشاهدة اللي تجمعها في قناتك هو 4000 ساعه 

مشاهدة,والمقصود بالشرط التاني ان فيديوهاتك تجيب عدد من الساعات وهو 4000 ساعه , مش فاهم برضو صح كنت حاسس 

بص ياغالي يعني مثلا الفيديو بتاعك مدتة نص ساعة وفي ناس هتتفرج علية اليوتيوب بقي بيجمع الساعات دي ولازم عشان تحقق 

الربح تعدي الشرطة اللي قلناه فوق تمام كدا .

الشروط دي ممكن تكون شايفها صعبة او مستحيلة لكن لا طبعا هقولك فيديو واحد يفرقع عندك تحقق الشرطين دول علي طول وهنتكلم تحت بالتفصيل اكتر.

ارباح اليوتيوب:

عاوزين بس قبل منتكلم عن الارباح نتكلم عن  جوجل ادسنس google adsense الشركة دي بقي هي اللي مسئولة عن الاعلانات اللي

 بتشوفها في الفيديوهات بتاعت اليوتيوب, يعني لو حد عاوز يعمل اعلان لمنتج بيتفق مع الشركة انها تعمله الاعلان وبيدفع فلوس علي

 حسب عدد الناس اللي عاوزهم يشوفوا الاعلان بتاعه وكمان اللي بيعلن بيختار ان اعلاناته تنزل علي اي محتوي هو يحبه .الشركة 

 دي تبع يوتيوب انت كصاحب محتوي علي اليوتيوب بتاخد نسبة 51% من سعر الاعلان واليوتيوب بياخد 49% , متقلقش الارباح  

اللي هنتكلم عنها او اللي انت بتاخدها دي بتكون بعد الخصم اي بعد خصم نسبة اليوتيوب .

انت طبعا بعد اما قناتك تتقبل او حتي قبل المفروض يكون عندك حساب جوجل ادسنس ودا طبعا بتعمله بالجيميل وبتسجل في جوجل ادسنس عادي وكدا ليك حساب وبتربط القناة بالحساب , عشان الحساب دا اللي هتلاقي علية فلوسك وتعرف احصائيات القناة المظبوطة.

نيجي بقي للفلوس بص ياريس عشان تعرف ارباح اليوتوب صح لازم تعرف اليوتيوب بيحسبك ازاي او بناء علي ايه, في عوامل كدا 

اليوتيوب بيحسبك عليها وهنتكلم عنهم ناوو:

1- جنسية المشاهد وطبعا دي بتفرق لما يكون اللي بيشهدك من دول اجنبية غير اللي من  دول عربية غير لما يكون بيشهدك  من مصر   

وطبعا لما يشاهدك من دول اجنبية الارباح بتزيد.

2- محتوي الفيديو ايوا المحتوي بيفرق في الفلوس يعني المحتوي التعليمي غير الاخباري غير الكوميدي غير الترفيهي وهكذا لان مثلا 

المحتوي التعليمي مشاهداته قليلة مقارنه بالترفيهي بس التعليمي ارباحة اكثر بقليل وليعوض المشاهدات القليلة.

3- مدة الفيديو , لما بتعمل فيديو مدته 8 دقايق بتحط عليه اعلانات زي منتا عاوز لكن لو اقلل من 8 دقايق هما اعلانين بس اللي بتحطهم.      

4- نوع الاعلان نفسه يعني مثلا ارباح اعلانات السايرات غير الشيكولاته واللبان غير اعلانات الاتصالات وهكذا.

5- مدة مشاهدة الاعلان هل الناس بتعمل تخطي بعد 5 ثواني ولا بتكمل الاعلان كل مالناس يكملوا اربحك تزيد.

6- جودة الفيديو بس بطريقة غير مباشرة يعني انت لما تعمل فيديوهات بجودة كويسة بتجيب جمهور اكتر وبالتالي مشاهدات اكتروبالتالي ارباحك تزيد.      

بس من خبرتي ومن الفيديوهات اللي سمعتها لناس بتتكلم بصدق عن ارباحهم وبيعرضوها اقدر اقولك ان ال 1000 زيارة تتراوح

 قيمتها من 0.5 دولار اللي 3 دولار وطبعا احنا قولنا ان الفرق دا بيجي من عوامل مختلفة اللي اتكلمنا عنهم, يعني لو فيديو جاب مليون

 مشاهدة فالارباح كحد ادني 500 دولار يعني 7500 جنية اما كحد اقصي في مصر 3000 دولار يعني 45000 جنية. مش مصدق

 صح بس دي الحقيقة اللي بيخفوها اصحاب  القنوات .

بلوجر Blogger:

دا المجال اللي كنت بقولكم عليه انه احسن من اليوتيوب هو مجال التدوين من خلال منصة بلوجر, بلوجر هي منصة زي باقي المنصات

 التابعه لجوجل تقدر من خلالها انك تنشر مواضيع او مقالات عن اي مجال بقي صحي او  رياضي او اخباري او تعليمي او ترفيهي او

 فني او ثقافي او اي محتوي اخر.

طبعا عشان يبقي عندك مدونة علي بلوجر سهل جدا , بتسجل من خلال حساب الاجيميل بتاعك في منصه بلوجر وبكدا يكون عندك 

مدونة لكن المدونة هتتعب فيها شوية صغيرين وهتسمع فيديوهات لناس علي اليوتيوب عشان تعمل مدونة صح وشكلها حلو ومنسقة

 وسريعه وعشان تتقبل في جوجل ادسنس google adsense.

كل اللي عليك انك هتكتب دورة لشرح بلوجر او لعمل مدونة هتلاقي الاف الناس بتشرح ازاي تبدا تظبط مدونتك تحط قالب للمدونة

 والمقصود بالقالب  هو شكل المدونة ,وازي تجيب دومين هو عنوان المدونة , الموضوع مش هياخد منك يوم عشان تعمل مدونتك لكن

 التعب بقي في اللي جاي هو انك تلاقي مجال تحبه وتكتب عنه او تحب انك تكتب عنه والاهم انك تعرف تنشر المواضيع بتاعتك علي 

فيس بوك وتكتبها باسلوب كويس عشان تتصدر نتايج البحث وتبدا تجيب زيارات من جوجل والزيارات دي زي المشاهدات كدا في

 اليوتيوب .

كل اللي مطلوب منك انك تكون بتعرف تكتب او بتحب تكتب انت مش هتالف انت هتاخد مواضيع من مواقع تانية او اي مجال هتتكلم 

فيه هتاخد المعلومات وتكتبها انت بطريقتك يعني انت مش هتخترع, والدليل انك لما بتبحث عن حاجة بتلاقي الاف المواقع كاتبه عنها

هما بينقلوا من بعض لكن كل واحد بيكتب باسلوبة.

شروط الربح من بلوجر :

الشروط بسيطة لو ركزت فيها هو مفيش اصلا شروط كحددة انما كلها اجتهادات من ناس سابقة زي مثلا:

- يكون دومين المدونة مدفوع دوت كوم او اي حاجه تانية عشان تعرف تقدم بسرعه وتتقبل حتي لو قدمت بعد اسبوع, سعر الدومين 

      5 دولار لكن لو مش اشتريت  دومين مش هتعرف تنزل اعلان علي المدونة الا بعد 4 شهور. دا اهم شرط

- يكون في عدد لا يقل عن 12 تدوينة في المدونة , يعني علي الاقل تكتب 12 مقال قبل متطلب مراجعه الموقع عشان يوفقوا يحطوا  علي موقعك اعلانات.

-يكون موقعك سريع ومفيهوش اي مشكلة.

- يكون بييجي لمدونتك زيارات من جوجل حتي ولو قليلة.

- التسجيل في موقع semrush  لتحليل مواقع المنافسين وايجاد افضل الحلول لتصدر موقعك في نتائج البحث من هنا

وايضا لتوليد كلمات مفتاحية وتحسين السيو لموقعك ومعرفة نقاط القوة والضعف بموقعك..الموقع يعطيك شهر مجاني للتجربة.

ارباح بلوجر او ارباح التدوين :

ارباح التدوين اكثر بكثير من ارباح اليوتيوب قد تكون ضعفها ان لم نبالغ فهي ايضا يختلف سعر ال 1000 زيارة من بلد لاخري فقط 

وللمحتوي ايضا عامل ولعدد الاعلانات عامل وايضا لمده بقاء الزائر في التدوينة او في مدونتك عامل هام جدا لانه اذا ضل في موقعك 

مده كبيرة يشاهد تدوينات او مواضيع كثيرة بالتالي سوف يشاهد اعلانات كثيرة ايضا , لاننا نضع بكل مقال اعلانات.

والسبب الاهم في ان ارباح بلوجر اكثر من ارباح اليوتيوب فبلوجر ياخد نسبة اقل من النسبة التي ياخدها اليوتيوب بكثير فبالتالي

تزداد النسبة اللي هتاخدها انت من بلوجر ككاتب محتوي.

يعني من الاخر لو انت شخص عاوز تكسب من النت بس مش عاوز تظهر بوشك او مش معاك فلوس تجيب معدات بس بتحب العمل

 وتقدر تكتب مقالات باسلوبك وزي مقولنا انك مش هتالف ان هتجيب المعلومة من اي مكان وتكتبها باسلوبك, فانت كدا مش قدامك الا

 موقع بلوجر وتقريبا مش هتتكلف الا سعر الدومين اللي هو حاليا 80 جنية , ليه بتشتري الدومين هقولك بص انت لما بتركب دومين

 مدفوع يعني بفلوس بلوجر بتخليك تقدر تقدم في جوجل ادسنس بعد يوم واحد من عمل المدونة  لو تحب بس طبعا عشان تتقبل لازم 

تكتب عدد من المواضيع ويبدا يكون عندك زيارات, لكن انت ممكن متشتريش دومين بفلوس وتمشي حالك بالدومين العادي اللي بلوجر

 بتقدمه بس للاسف هتستني 4 شهور علي الاقل عشان تعرف تقدم لجوجل ادسنس وتتقبل ويبدا ينزل عندك اعلانات.

لو في اي حاجه مش وضحة تقدر تبحث في اليوتيوب عن مجال التدوين او بلوجر او ازي تعمل مدونة باحتراف هتلاقي شرح كتير 

واكيد هتستفيد.

قد يعجبك ايضا:

- افضل فيزا لعمل اعلان ممول علي فيس بوك او يوتيوب/افضل فيزا للشراء اون لاين.

- عمل حساب علي موقع ahrefs مجانا.

- ازاي اعرف سعر مدونتي وموقعي علي بلوجر ووردبريس .

- كتابة مقال احترافي بأدوات ووردبريس علي بلوجر مجانا.