ازاي اذاكر وقت اكبر ومزهقش:
كثير منا يجد صعوبه اثناء المذاكره في مننا الي المعلومه بتطير منه بسرعه وفي الي بيذاكر وقت قليل جدا وبيزهق وفي الي بيسرح ويقعد يفكر في حاجات ملهاش لازمه .......وحاجات تانيه كتير انهارده هقولكوا علي شويه نصايح .
1_ لازم اكون مستعد اني اذاكر وابعد عن اي حاجه هتشغلني سواء موبيل أو كمبيوتر او حتي اخواتك أو تليفزيون لازم
تكون منعزل وفي درجه عاليه من التركيز اقفل كل الاجهزه لانك كل شويه تمسك موبايلك تفتح فيديو وتقول لنفسك
ربع ساعه والربع تجيب ساعه وهكذا انت اكيد عارف الكلام ده هيبقي لازم تقفل كل الاجهزه .
2_حدد من بدايه قعدتك انت عايز تذاكر مواد اي وأبدأ قسم وقتك ويفضل تبدأ بماده انت بتحبها .
3_لو انت بتزهق بسرعه حاول تخلي جدولك بسيط وأبدأ اشتغل عليه وخلصه كله وكل مره حاول تزود لازم تطلع
خطوه خطوه مش مره واحد تحط جدول كبير منقدرش تخلصه وتحبط ومتذاكرش حاجه خالص اطلع بمستواك سنه سنه
لو لقيت الموضوع صعب كلم المدرس بتاعك وهو هيسعدك .
4_لما تيجي تاخد بريك من المذاكره مينفعش تاخده ف انك تقعد علي الموبيل كده انت بتشتت نفسك افصل نفسك خالص
عن الاجهزه ممكن تاخد البريك بتاعك ف انك تعمل اكل خفيف لنفسك تعمل حاجه تشربها تقعد مع أهلك تنزل تتمشي
شويه تقعد ف البلكونه علي حسب م تحب بس بلاش تشوش نفسك بالموبايل لانك هتفضل ف الاخر قاعد عليه والوقت
هيضيع منك .
5_لما ترجع تذاكر تاني حاول تفكر نفسك ب ادكل حاجه ذاكرتها قبل البريك وتخلي عقلك يفتكر ويثبت المعلومه اكتر .
6_ وانت بتذاكر حاول تكون واكل اكل خفيف مش لازم تملي معدتك علي اخر واشرب عصائر فرش وكل فاكهه كتير .
7_لو حسيت انك مش قادر تذاكر ولا عارف تحفظ جيب موبايلك وأبدأ سجل عليه بصوتك واسمع الي سجلته مره اتنين
وتلاته وبكده تكون حفظت واستفدت بالوقت الي كنت هتقضيه ف حاجه فارغه .
8_طيب ازاي تقدر تستمتع بالمذاكره لازم تشيل اي ضغط من عقلك لازم تحب الحاجه الي هتذاكرها حاول وانت بتذاكر
تسمع نفسك تشرح لنفسك وتفهم نفسك حاول تذاكر وترسم المذاكره علي انها قصه لازم تحب الحاجه الي بتعملها لان ده
ف الاخر هدفك وحلمك الي انت عايزه توصله انت الوحيد الي هتستفيد متحطش ف دماغك انك رايح تذاكر حاجه صعبه
وان الدرس رخم وانا ازاي هحفظه لا دا غلط حب الحاجه الي انت بتعملها حاول تسهلها علي نفسك كتير مننا بيحب
يقرأ قصص وروايات وهو مستمتع وبياخد المعلومه وهو مستمتع خد الذاكره ومنهجك علي أنه قصه خليك مستمتع
وانت بتذاكره وانت كل يوم بتاخد معلومه جديده هتلاقي نفسك مبسوط انك بتحصل معلومات كتير وافضل اشرح لنفسك
وفهم نفسك وقول المعلومات لنفسك وتخيل نفسك وانت بتشريح المعلومات دي علشان المعلومات تثبت عندك اكتر .
9_لازم تحط هدفك قدامك وتشتغل عليه جيب ورقه كبيره واكتب عليها انت عايز تكون اي وعلقها قدامك وكل م تيجي
تذاكر بص عليها وفكر نفسك بيها .
10_ كل م تحقق حاجه كافئ نفسك اخرج جيب اكله بتحبها حاول تخرج نفسك من المود واعمل حاجه انت بتحبها .
11_حاول تغير مكان المذاكره كل فتره هيحسسك بتغيير وهتقدر تذاكر اكتر وهتحس بتجديد .
12_وانت بتذاكر استعمل ورقه وقلم واكتب الي بتذاكره علشان المعلومه تثبت اكتر وجيب اللوان تحديد وحدد ف الكتاب
هتلاقي الموضوع اسهل وكل حاجه واضحه قدامك .
13_حاول تذاكر الصبح العقل بيكون ف قمه استيعابه الصبح لانك ببساطة لسه مشلتش الطين او عكننه اليوم .
14_ حاول دايما تاخد كفايتك من النوم بالذات بليل .
15_ لما تلاقي نفسك مشتت حاول تخلي حد من أهلك يساعدك أو استاذ مادتك او زميلك المتفوق او .
16_صلي صلاتك ومتفوتش فرض وادعي ربنا ديما أنه يسعدك ويحقق لك احلامك وكل الي بتتمناه وأقرأ القرآن لو
صفحه قبل م تبدأ مذاكره هتفرق معاك جدا.
مواضيع اخري هامة:
وبالتوفيق ان شاء الله
التصنيف :
الشروحات