عمل مدونة باحتراف علي بلوجر 2021 وتحقيق ارباح منها


مجال التدوين مجال مهم جدا جدا جدا لاي واحد حابب انه يشتغل علي الانترنت بدون اي ادوات او معدات او اي خبرة في مجال 

معين لان ببساطة التدوين هو بالظبط حرفيا كانك بتكتب بحث او موضوع تعبير في المدرسة عشان تنجح او تاخد درجات 

لكل هنا انت بتعمله عشان نفسك وعشان تكسب منه وكمان هنا مفيش وقت محدد ليك تخلص فيه التدوينة او تخلص فيه

 موضوع المقال ومفيش اي موانع نهائيا انك تستخدم اي موقع علي جوجل (google) او تستخدم اي كتاب او حتي فيديو

بس في مجال التدوين في حاجه بسيطة زيادة عن موضوع التعبيراللي في المدرسة وكل حاجه هنتعرف عليها في الموضوع

بتعنا او المقال بتعنا:


عمل مدونة علي بلوجر



 شرح طريقة انشاء مدونة بلوجر(blogger ) بطريقة سهلة احترافية:


من المواقع التابعة لموقع جوجل هو منصة بلوجر(blogger) وهي منصة غنية عن التعريف تقدر من خلاله انك تنشا 

مدونتك بطريقة مجانية 100% دون دفع دولار واحد, إنشاء مدونة علي بلوجر لا يتطلب من اكثر من ان تمتلك حساب

جوجل وحاليا تقريبا كل الاشخاص علي الانترنت يمتلكون حساب جيميل gmail , ولو مش عندك حساب علي جوجل 

تقدر تكتب في بحث جول انشاء حساب جيميل2021, وطبعا كما ذكرنا في الاعلي انه يمكنك عمل موقعك كاملا علي 

منصة بلوجر دون دفع سنت وبدا الربح عن طريق المدونة ومقالاتك علي بلوجر.



- التسجيل في موقع semrush  لتحليل مواقع المنافسين وايجاد افضل الحلول لتصدر موقعك في نتائج البحث من هنا

وايضا لتوليد كلمات مفتاحية وتحسين السيو لموقعك ومعرفة نقاط القوة والضعف بموقعك..الموقع يعطيك شهر مجاني للتجربة.






اولا ازاي ابدا:

اولا اكتب في بحث جوجل كلمة بلوجر ثم اضغط علي اول لينك سيفتح الموقع اضغط علي كلمة انشئ مدونتك

سيطلب منك وضع الجيميل الخاص بك ثم سوف يطلب منك اسم المدونة الخاص بك اللي انت عاوز تسمي موقعك بيك

وبكدا وبكل بساطة بقي عندك موقع المجاني.





ازاي اشتغل علي الموقع:


كشغل علي الموقع بمعني شغل فهو بسيط جدا بس زي مبنقول في مصر اللي اهم من الشغل تظبيط الشغل 

فعشان تبدا صح علي الموقع لازم تعمل الحاجات اللي هنتكلم عليها دي:


خطوات تجهيز مدونة بلوجر


1- القالب : القالب ببساطة دون تعقيد هو شكل الموقع اللي هيظهر للناس اللي هيدخلوا علي موقعك ودا انت هتلاقية


متوفر كتير وانواع كتير جدا حسب النيتش او المجال اللي انت بتكتب فيه علي المدونة , اسماء القوالب زي مثلا 

قالب سيو بلس المجاني وقالب سيو بلس المدفوع وقالب ليفون وقالب درويد المجاني والمدفوع  وقالب ماجي فاي 

 وقوالب اخري , القوالب هتلاقيها علي اليوتيوب متوفرة ببلاش بتاخدها كوبي copy ثم تضعها في مدونة بلوجر paste  

ودي روعه ومعظم المدونين بيستخدموها, لكن يجب ان تاخده من شخص موثوق علي الانترنت او علي اليوتيوب

وهي ممتازة جدا وانا ارشح لكم قالب درويد المجاني وساضع لكم اللينك الخاص به. 




وفي النوع الافضل علي الاطلاق وهو المدفوع اي اللي بنحصل علية مقابل المال وتقريبا السعر يتراوح من 5 الي 10

دولار والقالب المدفوع هو نفسه القالب المجاني لكن يتميز ب 

1- سريع جدا ومقبول لادسنس.
2- متوفر به اماكن اكتر لوضع الاعلانات.
3- كشكل وتنظيم رائع جدا.

للعلم ان منصة بلوجر بتوفرلك العديد من القوالب البسيطة المجانية اللي تقدر تستخدمها من بلوجر وكمان هي مقبولة 

في جوجل ادسنس لانها اصلا تبع جوجل وبلوجر هو اللي موفرها ليك.

لكن عيوب قوالب بلوجر المجانية هي :

1- انه كشكل بالنسبة لباقي القولب مش احسن حاجه .
2- انه قليل في اماكن الاعلانات اللي موجودة في قالب بلوجر.

وممكن هتلاقي علي اليوتيوب قناة اكاديمية المهندس قناة ممتازة جدا في مجال التقنية, هتلاقي فيها كل حاجه عن القوالب
وهتلاقي كل القوالب اللي هتحتجها وشرح ازاي تركبها بكل بساطة.


2- الدومين :

الدومين بقي مهم جدا للغاية والدومين يعني لينك موقعك والدومين بالنسبة لمنصة بلوجر فهي بتوفرلك دومين(domain)

 برضة مجاني بيقي عبارة عن اسم موقعك وليكن كورة  مثلا www.kora .blog spot .com دا بيبقي شكل لينك  موقعك 

 مميزات الدومين المجاني من بلوجر هي انك ببلاش فقط ويكون موجود دون ان تركبة او دون تدخل منك انت.

- اما الدومين الموفوع فدا انت بتشترية من مواقع مثلا زي موقع جودادي godaddy او موقع نيم شيب name shape

دول اشهر وقعين لبيع الدومينات المدفوعة.

موقع جودادي


ليه اشتري دومين مدفوع :


الدومين المدفوع بكل صراحة له مميزات عديدة وكثيرة جدا وهي :

1- يعطي مصداقية للزائر الذي يدخل موقعك او مدونة بلوجر الخاصة بك لان شكله يكون كالاتي 
مثلا www.kora.com فالدومين الذي ينتهي بكلمة دوت كوم معروف بانه جديد وموثوق 
يوجد ايضا العديد من الدومينات الموثوقة مثلا دوت نت او اون لاين.(com/.net/.online.)

2- يساعدك في القبول في جوجل ادسنس بسهولة.

3- يحصل علي ترتيب جيد في الظهور في جوجل اكثر من الدومين الخاص ببلوجر.


سعر الدومين يتراوح من 5 دولار او اكثر او اقل بقليل ويمكنك الحصول عليه بسعر واحد دولار عندما يكون
هناك عروض او اكواد خصم.اذا كنت ستشتري دومين اكتب علي يوتيوب الحصول علي دومين من جودادي ب 1 دولار


هام جدا :

بعض الدومينات المجانية تكون موجودة علي اليوتيوب او علي فيس بوك او علي اي منصة كانت انصحك بالا تاخدها لانها 
احيانا تكون غير مقبولة بادسنس وغيرموثوقة.


بالنسبة للدومين الاهم من وجهة نظري هو دوت كوم لاني اثق في نوع هذا الدومين واشتريه من شركة جودادي (godaddy)




المطلوب منك عشان تبدا تربح من بلوجر وتحقق دخل خاص بك:

اهم حاجه عشان مش تكره الموضوع وتزهف منه بسرعه وتكسل اكتب في حاجه انت بتفهم فيها او حاجه بتحبها

- ايه المجالات المتاحة اللي ممكن اكتب فيها في بلوجر:


كل المجالات اللي تتخيلها مسموح بيها ماعدا المحتويات الغير لائقة او محتويات المسروقة.
ممكن تكتب عن الاتي:

- مجال الطبخ ودا حلو جدا للبنات والسيدات.
- مجال الصحة والعناية بالبشرة.
- مجال التخسيس والعناية بالشعر.
- مجال القصص والروايات.
- مجال الربح والتقنية.
- مجال ديني او نصائح وادعية.
- مجال المحاسبة والنصائح في هذا المجال.
- مجال القانون.
- المجال الاخباري.
- مجال التعليم.
- مجال الكورة.
- مجال الموبيلات والابتوبات.
- مجال الوظائف او اعلانات الوظائف.
- مجال خاص بالكتابة عن الالعاب والترفية.
- مجال اسعار اي حاجه مثل الادوات الكهربية والعملات وكدا.

انت تقدر تكتب في حاجات تانية ممكن متكونش جت في بالي اللي انت عاوزه اكتب فيه.


اهم النصائح في كتابة المقالات:


1- اكتب في المجال او النيتش اللي دايما عرف تجدد فيه او تكتب فيه جديد.

2- مقالاتك انت اكتبها مش تاخد كوبي بست اعرف المضون من باقي المواقع واكتب بطريقتك.

3- طبعا بيقي في المقال علي الاقل صور او صورتين فكل اللي مطلوب منك انك تاخد الصورة من جوجل 
وتضيف عليها اضافات بسيطة باستخدام اي تطبيق للتعديل علي الصور او لو بتعرف تشتغل علي فوتوشوب
يبقي افضل.
حط مثلا عنوان الموضوع علي الصورة اوحط اسم مدونتك علي الصورة اهم حاجه تعمل تغيير في شكل الصورة
ولو بتستخدم فوتوشوب ممكن تمعمل تعديل في الالوان والاضاءة وكدا.

في بقي مقالتين مهمين جدا عن ازاي تقدر تربح من المقالات وايه هي سياسات موقع جوجل ادسنس google adsense

اللي تقدر عمن طريقها تحط اعلانات وتكسب قي يامعلم, في المقالة اللي هسيبهالك تحت هتعرف كل حاجه خاصة بجوجل

ادسنس هي ايه وتسجل ازاي وكل حاجه بالتفصيل عن ادسنس, والمقالة الثانية هي تجربتي الشخصية في القبول في جوجل

بسهولة وايه هيا عدد المقالات اللي تكتبها واتقبلت في مدة قد اية هسيب لكم كل دا تحت في مقالتين يجب ان تشوفوهم لتحقيق اقصي استفادة.


 





اكتب تعليق

أحدث أقدم