افضل فيزا لعمل اعلان ممول علي فيس بوك او يوتيوب/افضل فيزا للشراء اون لاين

 

افضل واحسن ثلاثة هواتف يمكنك شراؤها اقل من سعر 2000 جنية  في عام2021 

انك تشترى موبايل دلوقتى بقى موضوع صعب جدا خصوصا ان السوق المصرى بقى مليان هواتف جديده بتنزل كل فتره من

 شركات جديده بتخش السوق المصرى وعشان متقعش ضحيه للبياعين فالمحلات لازم تحدد خياراتك قبل متقرر تنزل تشترى وعشان

 كده احنا هنساعدك ف انك تختار القرار عن طريق اننا هنقدملك ثلاثة ترشيحات من الهواتف لماركات او شركات موبايلات مختلفة

 كلها بتقدم موبايل بسعر 2000 جنية او اقل.. وانت بقي تحدد هدفك اللي انت عاوزه من خلال الترشيحات سواء موبايل للتصوير او

 للالعاب او للاستخدام العادي.وللعلم انك بالسعرممكن تشتري موبايل كويس جدا يلبي احتياجاتك.

 اليكم افضل موبيلات تحت سعر الفين جنية مصري .

مواصفات الهاتف الاول  ضمن فئة اقل من 2000 جنيه من شركة شاومي xiaomi

  اهم مواصفات موبايل Xiaomi Redmi 9C

- الموبايل بيجى بشريحتين اتصال ومكان لتركيب كارت ميمورى خارجى .

- شاشه الموبايل كبيره 6.5 بوصة  بنوتش للكاميرا الامامية.

- واهم امكانيات هذا الموبايل وهي ان  الموبايل بيجى باقوى معالج  فى الفئه دى من شركه ميديا تيك.

- الموبايل بيجى بنسختين واحده 32 جيجا بايت و 2 جيجا رام  وسعرها تقريبا 1850 جنية ,

 

 والاخري 64 جيجا بايت و 3 جيجا رام 

- الموبايل بيجى ب 3 كاميرات خلفيه بدقه 13 + 2 +2 ميجا بيكسل و كاميرا اماميه 5 ميجا بيكسل ولكن الكاميرات مش  

 هى نقطه قوه الجهاز ده ومش نقطه البيع فى الفئه دى عموما .

- الموبايل بيجى ببصمه فضهر الجهاز وبيدعم بصمه الوجه المعروفه باسم face unlock .

- بطارية عملاقه 5000 مللى امبير تستحمل شغل يوم كامل.

الموبايل بيديك توليفه جيده من الموصفات تقدر من خلالها تلعب ع الجهاز ويديك تجربه مريحه للكاميرات .

ملحوظة 

النسخة 64 جيجا بايت و3 جيجا رام ودى افضل حاجه تشتريها ولكنها ب 2100 جنية. 

وهذه النسخة تعتبر افضل موبايل بسعر 2000 جنية او افضل موبايل تشتريه بسعر 2000 جنية 

مواصفات الهاتف الثاني  ضمن فئة اقل من 2000 جنيه من شركة انفنكس infinix

  اهم مواصفات موبايل infinix hot 10 play

- الموبايل بيجى بشريحتين اتصال ومكان لتركيب كارت ميمورى خارجى.

- شاشه الموبايل عملاقه  6.83 بوصة  بنوتش للكاميرا الامامية.

- الموبايل ايضا  بيجى باقوى معالج  فى الفئه دى من شركه ميديا تيك.

- الموبايل بيجى بنسخه واحده 64 جيجا بايت و 4 جيجا رام

- الموبايل بيجى ب 3 كاميرات خلفيه بدقه 13 + 2 +2 ميجا بيكسل و كاميرا اماميه 5 ميجا بيكسل ولكن الكاميرات مش هى نقطه

 قوه الجهاز.

- الموبايل بيجى ببصمه فضهر الجهاز وبيدعم بصمه الوش .

- بطاريه عملاقه 6000 مللى امبير تستحمل شغل يوم كامل .

سعر الموبايل 2100 جنيه ولكن يمكن شراءه ارخص من كده من بعض المحلات .

 

الموبايل بيديك اداء قوى نسبيا وتجربه مريحه فالالعاب ومساحه تخزينيه كبيره جدا وشاشه عملاقه لمشاهده الفيديوهات بكل اريحيه .

مواصفات الهاتف الثالث ضمن فئة سعر اقل من 2000 جنيه من شركة سامسونج  samsung

  اهم مواصفات موبايل Samsung A11

- الموبايل بيجى بشريحتين اتصال ومكان لتركيب كارت ميمورى خارجى

- شاشه الموبايل 6.4 بوصة  بنوتش للكاميرا الامامية .

- الموبايل بيجى بمعالج  جيد جدا فالفئه دى من شركه سناب دراجون .

- الموبايل بيجى بنسخه واحده 32 جيجا بايت و 2 جيجا رام.

- الموبايل بيجى ب 3 كاميرات خلفيه بدقه 13 + 5 +2 ميجا بيكسل و كاميرا اماميه 8 ميجا بيكسل و الكاميرات هى نقطه قوه

 الجهاز ده بعكس باقى الموبايلات فنفس الفئه .

- الموبايل بيجى ببصمه فضهر الجهاز وبيدعم بصمه الوش.

- بطاريه عملاقه 5000 مللى امبير تستحمل شغل يوم كامل.

سعر الموبايل 1900جنية  يمكن شراءه ارخص من كده من بعض المحلات .

 

الموبايل ممكن ميكونش جاى بمعالج قوى زى الموبايلات التانيه ولكن المعالج يقدر يادى معاك مهامك العاديه بكل اريحيه

كمان تجربه الكاميرات افضل هنا عن باقى الموبايلات .

 

 

الخلاصة ان دول افضل الهواتف تحت مبلغ او سعر ال 2000 جنيه والفئة السعرية دي تعتبر الفئة الاقل من المتوسطة.

 

لو عايز تروح لشركه معروفه فالسوق وليها وزنها وفنفس الوقت انت مهتم بالكاميرات اكتر يبقى اكيد سامسونج هى الخيار الافضل

 خصوصا خدمه ما بعد البيع اللى مفيش زيها فمصر وفروع الصيانة اللى فكل المحافظات .

 

اما لو عايز تجربه اداء جيده وكاميرات مميزه فاكيد هتروح لشاومى اللى برضه بقت شركه كبيره فالاسواق في مصر.

 

اما عن انفينكس فهو خيار ممتاز لو هتقدر تاخد مخاطره انك تشترى شركه لسه مش قادره تثبت نفسها فالسوق رغم المده الكبيره ليها في السوق.